Prof. Asoc. Dr. Ilir Osmani - KRIF Eye Clinic

KRIF EYE CLINIC

Çagllavicë 10510, Prishtinë, Kosovo

KRIF Eye Clinic është klinikë e specializuar e oftalmologjisë në Prishtinë, me fokus të veçantë në kirurgjinë e kataraktës (perdes së syrit), implantimin e thjerrëzave intraokulare dhe kirurgjinë e retinës.

Ekipi udhëhiqet nga Prof. Asoc. Dr. Ilir Osmani, MD, PhD, kirurg i kataraktës dhe vitreoretinal, me përvojë në kirurgjinë e pjesës së përparme dhe të pasme të syrit.

Një nga fushat kryesore të klinikës është operimi i kataraktës dhe përzgjedhja e thjerrëzës më të përshtatshme për secilin pacient. Sipas nevojës, përdoren thjerrëza monofokale, torike, EDOF dhe multifokale, me qëllim përmirësimin e shikimit dhe, kur është e mundur, zvogëlimin e nevojës për syze.

KRIF Eye Clinic merret gjithashtu me trajtimin dhe operimin e sëmundjeve të retinës. Kryhen vitrektomi për shkëputje të retinës, komplikime nga diabeti, gjakderdhje brenda syrit, vrimë makulare, membranë epiretinale dhe probleme të tjera të retinës.

Në klinikë ofrohet gjithashtu diagnostikim dhe trajtim i glaukomës, operime të strabizmit (syrit të shtrembëruar), trajtime me laser, injeksione intraokulare, kontrolle për retinopatinë diabetike dhe sëmundjet e makulës, si dhe diagnostikim dhe trajtim i problemeve të tjera të syrit.

Diagnostikimi kryhet me aparatura moderne, ndërsa trajtimi planifikohet individualisht për secilin pacient.

Qëllimi ynë është të ofrojmë diagnostikim të saktë, trajtim bashkëkohor, kirurgji precize dhe kujdes të vazhdueshëm për shëndetin e syve.